Talekommandoar

Du kan utføre ei rekkje handlingar i Dragon Medical One via talekommandoar (i staden for å bruke muse-, tastatur- eller mikrofonknappar). Dette kan gjere at det går mykje raskare å skrive svar. Dersom du vil sjå lista over talekommandoar som er tilgjengelege, seier du kva kan eg seie eller vel og vel Kva du kan seie. Talekommandoane er kategoriserte, med éin hovudkommando og nokre alternativ. Vi tilrår at du lærer deg dei kommandoane du har mest nytte av.

Eksempel: Du korrigerer diktatet og må erstatte det siste avsnittet. Sei merk siste avsnitt, så er det berre å registrere ny informasjon.

Visuell tilbakemelding

I ruta Generelt i dialogboksen Alternativ kan du avgjere kvar den visuelle tilbakemeldinga skal visast når ein talekommando blir kjend att. Vel eitt av desse:

  • DragonBar: Talekommandobobla blir forankra til Dragon Medical One-brukargrensesnittet.
  • Mus: Talekommandobobla blir forankra til musemarkøren.
  • Tekst: Talekommandobobla blir forankra til tekstmarkøren.
  • Systemstatusfelt: Talekommandobobla blir forankra til systemstatusfeltet.

Stegvise kommandoar

Stegvise kommandoar utfører ei rekkje handlingar via éin enkelt talekommando. Du kan opprette, endre, kopiere og slette stegvise kommandoar. Oppretting og endring av stegvise kommandoar er berre tilrådd for erfarne brukarar.

Du kan trykke på hurtigtastar eller mikrofonknappar for å utføre dei stegvise kommandoane du har oppretta (private), eller dei som administratoren din har oppretta (delte). Sjå her dersom du vil ha meir informasjon om korleis du tilordnar hurtigtastar/mikrofonknappar: Velje innstillingar for inndata.

Merk: Etter at du har sagt ein stegvis kommando, bør du ta ein pause for å sikre at kommandoen blir utført, før du held fram.

Viktig: Av tryggleiksårsaker bør ikkje stegvise kommandoar innehalde sensitiv informasjon som brukarnamn eller passord.

Slik opprettar du ein stegvis kommando:

  1. Sei administrer kommandoar, eller vel , og vel Administrer stegvise kommandoar. Den tilhøyrande dialogboksen blir då vist.
  2. Vel + og fyll ut felta Namn, Beskriving (valfritt) og Munnleg form.
  3. Vel Nytt steg og vel den typen steg du ønskjer. Gjenta etter behov.
  4. Vel Bruk alle.

Munnleg form

Dersom det er stor forskjell på måten namnet på den stegvise kommandoen blir skrive og måten det blir uttalt på, må du sørgje for at dette kjem klart fram i Munnleg form (måten du uttaler det på).

Når du skriv inn ei munnleg form, må du følgje desse reglane:

  • Bruk berre bokstavar. Ikkje bruk dette:

    Siffer (bruk for eksempel "tolv" i staden for "12"), med mindre dei er ein del av vanlege ord (for eksempel bruker du "3D" i staden for "tre D").

    Teiknsetjing (for eksempel ., ", ! eller ?).

    Symbol (for eksempel +, & eller $) unnateke bindestrekar brukt i samansette ord (for eksempel "D-vitamin").

  • Følg standardreglar for store/små bokstavar (bruk for eksempel stor forbokstav i eigennamn).

  • Unngå å skrive heile ord med store bokstavar (unnateke akronym eller dersom standardreglane for bruk av store/små bokstavar krev det, sjå over).

  • For akronym som blir sagde slik dei blir stava, bruker du store bokstavar (for eksempel "CIA"). Dersom dei ikkje blir kjende att, skil du dei store bokstavane frå kvarandre med mellomrom (for eksempel "C I A").

  • For akronym som blir uttalte som ord, bruker du små bokstavar (bruk for eksempel "pet CT" for "PETCT" eller "laser" for "LASER").

  • Ikkje bruk svært korte namn som er akustisk vanskelege å fange opp (for eksempel namn med berre éi staving).

  • Bruk heile ord i staden for forkortingar (bruk for eksempel "utan" i staden for "u/...").

  • Sjå etter skrivefeil.

Tips

  • Ei raud linje rundt eit felt tyder at det må fyllast ut, eller at du ikkje har fylt det ut rett.
  • Bruk ikona til å flytte eksisterande steg opp og ned (), setje inn steg midt i ein sekvens med steg () og slette steg ().
  • Vel ein stegvis kommando frå ruta til venstre for å endre han.
  • Vel for å kopiere ein eksisterande stegvis kommando og bruke han som mal for ein ny. Malen vil ha same beskriving og same steg som den du kopierte. Felta Namn og Munnleg form vil vere tomme.
  • Dersom du vil angre endringar, kopiere eller slette ein stegvis kommando, vel du og held han inne (eller høgreklikkar på han) og vel Still tilbake endringar, Kopier eller Slett.
  • Dersom ein stegvis kommando konsekvent ikkje blir rett utført, kan du leggje til stega Vent eller Vent på vindauge i kommandoen.
  • Med stegtypen Køyr stegvis kommando eller Utfør talekommando kan du byggje inn éin eller fleire stegvise kommandoar eller talekommandoar i ein annan stegvis kommando. Når den overordna stegvise kommandoen blir utført, blir også alle innebygde kommandoar utførte.

Stegtypar

Opne app: Opnar den oppgitte appen (dersom han allereie er open, er det denne appen som får fokus). Oppgi desse eigenskapane:

Mål: Skriv inn den fullstendige bana til og namnet på EXE-fila for appen.

Argument: Skriv inn kommandolinjeargumentet du vil at appen skal opnast med, for eksempel ein mal.

Start i: Bla etter mappa som appen eller fila skal opnast i (arbeidsmappa).

Køyr som: Vel vindaugsstorleiken for appen (normal, minimert eller maksimert).

Vent: Oppgi ei ventetid i millisekund for å ta ein pause mellom steg. For eksempel 500 ms for at appen skal opnast med den oppgitte malen. Område: 50–2500 ms.

Vent på vindauge: Ta pause fram til eit vindauge med den oppgitte tittelen har fokus, eller til den valde ventetida har passert. Oppgi dette:

Vindaugstittel: Oppgi namnet på vindauget du vil at den stegvise kommandoen skal vente på.

Ventetid (ms): Oppgi ei ventetid. Område: 50–10 000 ms. Dersom den oppgitte ventetida går ut, blir utføringa av den stegvise kommandoen stoppa.

Merk: Appar som Microsoft Internet Explorer eller Google Chrome er vert for, er ikkje støtta (den stegvise kommandoen vil for eksempel vente på Internet Explorer, men han vil ikkje vente på ein app som Internet Explorer er vert for).

Køyr stegvis kommando: Bla etter den eksisterande private eller delte stegvise kommandoen du vil byggje inn. Den innebygde kommandoen blir utført som eit steg.

Utfør talekommando: Bla etter talekommandoen du vil byggje inn. Den innebygde talekommandoen blir utført som eit steg.

Skriv inn tekst: Skriv inn ei kort tekstblokk der markøren står i appen (for større tekstblokker som du set inn jamleg, bruker du autotekstar).

Trykk på tastar: Oppgi tastesekvensen du vil det skal trykkast på. Sjå nedanfor for å få informasjon om kva slags inndataformat du må bruke. Du kan òg skrive inn tekst og kombinere tastar med endringstastar.

Trykk på hurtigtast – vel , og trykk på ein eller fleire endringstastar og ein bokstav / eit tal. Du finn meir informasjon her: Bruke hurtigtastar.

Mikrofon på: Slå på mikrofonen.

Mikrofon av: Slå mikrofonen av.

Desse tastane kan leggjast inn i feltet Trykk på tastar (sløyfeparentes må brukast):

Tast Inndataformat   Tast Inndataformat
Tilbaketast {BACKSPACE} eller {BS}   F1–F24 {F1} til {F24}
Break {BREAK}   Retur {RETURN}
CapsLock {CAPSLOCK}   Hjelp {HELP}
Scroll Lock {SCROLL}   Desimal {DECIMAL}
Slett {DEL} eller {DELETE}   Skiljelinje {SEPARATOR}
Pil ned {DOWN}   Mellomrom {SPACE}
End {END}   Vel {SELECT}
Enter {ENTER}   Skriv ut {PRINT}
Escape {ESCAPE} eller {ESC}   Utfør {EXECUTE} eller {EXEC}
Heim {HOME}   Snapshot {SNAPSHOT}
Set inn {INS}   Avbryt {CANCEL}
Pil venstre {LEFT}   Windows {WINDOWS} eller {WIN}
NumLock {NUMLOCK}   Appar {APPLICATIONS} eller {APPS}
Side ned {PGDN}   Fjern {CLEAR}
Side opp {PGUP}   NUMPAD0–NUMPAD9 {NUMPAD0} eller {NP0} til {NUMPAD9} eller {NP9}
Pil høyre {RIGHT}      
Tabulator {TAB}      
Pil opp {UP}      
Legg til {ADD}      
Trekk frå {SUBTRACT}      
Multipliser {MULTIPLY}      
Del {DIVIDE}      

Desse endringstastane kan leggjast inn i feltet Trykk på tastar (blir alltid brukt i kombinasjon med andre tastar):

Endringstast Inndataformat
Skift +
Ctrl ^
Alt %

Eksempel:

Sekvens utført Inndataformat
Alt+Ctrl+s %^s
Skift+Tab +{Tab}

Eksempel 1: Opprette ein konfidensiell e-post

Namn Konfidensiell e-post

Beskriving Denne kommandoen opnar Microsoft Outlook, opprettar ei ny e-postmelding, skriv inn KONFIDENSIELT i emnelinja og set markøren i e-postbrødteksten.

Steg

Opne app

Mål C:\Program Files\Microsoft Office\Office14\OUTLOOK.EXE

Vent

Ventetid (ms) 2000

Trykk på hurtigtast

Hurtigtast Ctrl+N

Trykk på tastar

Tastar {TAB} {TAB}

Skriv inn tekst

Tekst KONFIDENSIELT

Trykk på tastar

Tastar {TAB}

Eksempel 2: Opprette ei gjeremålsliste

Namn Opprett ei ny gjeremålsliste

Beskriving Denne kommandoen opnar Notisblokk for å opprette ei liste med oppgåver. Markøren blir plassert ved det første nummerpunktet, og mikrofonen blir slått på.

Munnleg form ny gjeremålsliste

Steg

Mikrofon av

Opne app

Mål C:\ Windows\System32\notepad.exe

Køyr som Maksimert

Vent

Ventetid (ms) 2000

Skriv inn tekst

Tekst GJEREMÅLSLISTE

Trykk på tastar

Tastar {ENTER}

Skriv inn tekst

Tekst 1.

Mikrofon på

Eksempel 3: Sjekke vêrmeldinga

Namn Sjekk vêrmeldinga

Beskriving Denne kommandoen opnar Internet Explorer med ein nettstad der du finn informasjon om vêret no.

Munnleg form sjekk vêret

Steg

Mikrofon av

Opne app

Mål C:\Program Files (x86)\Internet Explorer\iexplore.exe

Argument http://weather.yahoo.com/

Køyr som Maksimert

Talekommandoar for tekstmerking

Eksempel: merk dette ordet – merk denne setninga – merk dette avsnittet – merk alt

For at du skal kunne bruke talekommandoar for tekstmerking, må markøren plasserast i teksten. Dersom markøren står i eit tomt avsnitt, blir ikkje desse talekommandoane utførte.

Så snart tekst er merkt (via talekommando), kan du gjere dette:

  • Bruke tekstformatering.
  • Korrigere teksten ved å diktere over.
  • Seie legg til i ordliste for å handsame ordlista.
  • Seie gjer det til ein autotekst for å handsame autotekstar.

Merkje og seie talekommandoar

Merkje og seie talekommandoar kan brukast til å merkje tekst som er teken opp eller skriven inn, og korrigere, erstatte, slette eller formatere han via stemma. Desse kommandoane merkjer den nærmaste førekomsten av teksten til venstre for den gjeldande markørposisjonen. Du kan merkje enkeltord, uttrykk, heile setningar eller teiknsetjing. Eksempel:

  1. Sei pasienten er ein tretti år gammal mann med tidlegare hypertensjon

    2. Teksten som systemet kjenner att: Pasienten er ein 30 år gammal mann med tidlegare hypertensjon

  2. Sei merk tretti år gammal mann

    3. Den merkte teksten: Pasienten er ein 30 år gammal mann med tidlegare hypertensjon

For lengre tekstpassasjar kan du bruke til og med for å merkje tekst frå det første til det siste ordet du vil ha med i utvalet. Eksempel:

  1. Sei pasienten er ein tretti år gammal mann med tidlegare hypertensjon

    2. Teksten som systemet kjenner att: Pasienten er ein 30 år gammal mann med tidlegare hypertensjon

  2. Sei merk pasienten til og med tidlegare

    3. Den merkte teksten: Pasienten er ein 30 år gammal mann med tidlegare hypertensjon

Merk: Området for desse kommandoane er omtrent ei side opp og ned.

Redigere merkt tekst

Når tekst er merkt, blir korrigeringsmenyen vist, og du kan korrigere, erstatte, slette eller formatere den merkte teksten, erstatte feil tekst med attkjenningsalternativ, osv. Eksempel:

  • Sei vel og nummeret på det rette attkjenningsalternativet. Eksempel:

    1. Sei pasienten er ein tretti år gammal mann med tidlegare hypertensjon

      2. Teksten som systemet kjenner att: Pasienten er ein 13 år gammal mann med tidlegare hypertensjon

    2. Sei merk tretten, så får du opp ei liste over attkjenningsalternativa.

      3. Den merkte teksten: Pasienten er ein 13 år gammal mann med tidlegare hypertensjon

    3. Sei vel og nummeret på det rette attkjenningsalternativet.

  • Sei teksten du vil ha, eller skriv inn ny tekst.
  • Sei legg det til i ordlista eller ikkje kjenn att det ordet for å handsame ordlista.
  • Seie gjer det til ein autotekst for å handsame autotekstar.
  • Sei formater det med feit/kursiv/osv. for å formatere teksten.
  • Sei stryk det for å slette den merkte teksten.
  • Sei opphev merkinga av det for å oppheve merkinga av teksten.

Du kan vise ei liste over tilgjengelege talekommandoar ved å seie kva kan eg seie.

Merk: Markøren går automatisk tilbake til den førre posisjonen når du korrigerer tekst ved hjelp av korrigeringsmenyen.

Navigere mellom fleire førekomstar av merkt tekst

Når tekst er merkt, seier du merk på nytt eller merk førre for å rulle bakover og merk neste for å rulle framover gjennom teksten og finne andre førekomstar av teksten. Når du navigerer mellom fleire førekomstar av teksten, blir også fonetisk liknande treff utheva. Eksempel:

  1. Sei pasienten treng behandling i to år til, det vil seie fram til 2023

    2. Teksten som systemet kjenner att: Pasienten treng behandling i 2 år til, det vil seie fram til 2023

  2. Sei merk til

    3. Den merkte teksten: Pasienten treng behandling i 2 år til, det vil seie fram til 2023

  3. Sei merk på nytt

    4. Den neste merkte teksten: Pasienten treng behandling i 2 år til, det vil seie fram til 2023

Merknader

  • Kommandoane merk på nytt, merk førre og merk neste er berre tilgjengelege i korrigeringsmodus (det vil seie når korrigeringsmenyen blir vist).
  • Området for desse kommandoane er omtrent ei side opp og ned.

Gå tilbake

Sei gå tilbake for å returnere markøren til den posisjonen han var i før merkingskommandoen. Eksempel:

  1. Sei pasienten er ei tjue år gammal kvinne

    2. Teksten som systemet kjenner att: Pasienten er ei 20 år gammal tvinne|

  2. Sei merk tvinne

    3. Den merkte teksten: Pasienten er ei 20 år gammal tvinne

  3. Sei kvinne

    4. Den nye teksten: Pasienten er ei 20 år gammal kvinne|

  4. Sei gå tilbake, så returnerer markøren til den posisjonen han var i før merkingskommandoen: Pasienten er ei 20 år gammal kvinne|

Merknader

  • Markøren går automatisk tilbake til den førre posisjonen når du korrigerer tekst ved hjelp av korrigeringsmenyen.
  • | er markørposisjonen.
  • Kommandoen gå tilbake fungerer ikkje dersom du endrar markørposisjonen manuelt eller skriv inn tekst.

Angre / gjer om

Sei angre for å angre den siste operasjonen og gjer om for å reversere ein angre-operasjon. Verkemåten til desse kommandoane er avhengig av tekstredigeringsprogrammet du bruker:

Angre: det same som å trykke på Ctrl+Z eller angreknappen i tekstredigeringsprogrammet.

Gjer om: det same som å trykke på Ctrl+Y eller omgjeringsknappen i tekstredigeringsprogrammet.

Merk: Kommandoane angre og gjer om fungerer ikkje dersom tekstredigeringsprogrammet ditt ikkje har nokon funksjon for eller har andre funksjonar tilordna til hurtigtastane Ctrl+Z og/eller Ctrl+Y.

Halde fram med opptak

Dersom du vil gå til ein bestemd tekstposisjon og slette alt som blei teke opp, seier du hald fram frå og ordet før teksten som skal slettast. Bruk denne kommandoen under opptak dersom irrelevant innhald blir teke opp (for eksempel eit spørsmål frå ein kollega eller bakgrunnsstøy). Du kan òg bruke denne kommandoen for å formulere det du sa, på nytt, eller for å korrigere tekst som er feil kjend att. Eksempel:

  1. Sei pasienten treng behandling i to år til, det vil seie fram til 2023
  2. Ein kollega avbryt deg.
  3. Sei ok eg er tilgjengeleg klokka fem

    4. Teksten som systemet kjenner att: Pasienten treng behandling i 2 år til, det vil seie fram til 2023 ok eg er tilgjengeleg klokka 5

  4. Sei hald fram frå 2023

    5. Den korrigerte teksten: Pasienten treng behandling i to år til, det vil seie fram til 2023|

Merknader

  • Bruk berre hald fram frå rett etter opptak. Det fungerer ikkje dersom du bruker ein annan talekommando, endrar markørposisjonen manuelt eller skriv inn tekst.
  • Hald fram frå har eit område på omtrent 150 ord.