Autotekstar

Autotekstar er standardblokker med tekst (også kalla "normalar" eller "definert tekst") som du set inn i dokumentet med ein kort talekommando. Dersom du bruker autotekstar, reduserer det tida du treng for å ta opp, og gjer dokumentasjonen din meir konsekvent.

Eksempel

  • Du snakkar ofte med pasientane dine om faren ved røyking. I rapporten seier du: Pasienten blei råda til å slutte å røyke og fekk informasjon om effektive røykesluttstrategiar.
  • Du definerer ein autotekst kalla "slutte å røyke", som inneheld denne informasjonen.
  • Du seier talekommandoen set inn slutte å røyke for å setje inn informasjonen.Du seier talekommandoen slutte å røyke for å setje inn informasjonen.

Arbeide med autotekstar

Du kan vise ei liste over tilgjengelege autotekstar ved å seie kva kan eg seie og rulle til delen Autotekstar.

Appen bruker eit søkjeord til å identifisere at det er ein autotekst å handsame, avhengig av systemkonfigurasjonen din. Dersom du vil sjå kva for søkjeord systemet forventar at du bruker som ein del av talekommandoen, seier du kva kan eg seie. Standardsøkjeordet er set inn. Du må seie søkjeordet etterfølgt av den munnlege forma set inn slutte å røyke.Dersom søkjeordet for eksempel er set inn, må du seie søkjeordet etterfølgt av den munnlege forma set inn slutte å røyke.

Arbeide med autotekstfelt

Du kan navigere til felta i autotekstar via talekommandoar som neste felt og gå til førre felt.

Dersom du vil bruke standardverdiane og fjerne feltskiljeteikna i alle felta, seier du godta standardinnstillingane. Dersom du vil bruke standardverdien og fjerne feltskiljeteikna i feltet med fokus, seier du felt utfylt. Dersom eit felt inneheld fleire verdiar, åtskilte med |, blir den første verdien brukt.

Merk: Etter at du har sagt godta standardinnstillingane, bør du ta ein pause for å sikre at kommandoen blir utført, før du held fram.

Arbeide med formaterte autotekstar

Autotekstar som blei oppretta av administratoren din, kan innehalde formatering.

Når du set inn ein formatert autotekst, må du vente til autoteksten blir vist før du held fram med å diktere, for å sikre at teksten som systemet kjenner att, blir lagd til på rett fram.

Kontroller at appen du dikterer i, har både vindaugsfokuset og talefokuset forankra når du set inn ein formatert autotekst. Elles blir autoteksten sett inn utan formatering. Dette gjeld både dikteringsboksen og appar som er støtta.

Merk: Enkelte appar kan ikkje handsame formaterte autotekstar. Dersom dette fører til feil, må du be administratoren din om å deaktivere autotekstformatering for appen.

Opprette autotekstar

Alle autotekstar du har oppretta, står oppførte i dialogboksen Administrer autotekstar. Du kan redigere eksisterande autotekstar og leggje til nye.

Slik legg du til ein autotekst:

  1. Sei administrer autotekstar, eller vel , og vel Administrer autotekstar. Den tilhøyrande dialogboksen blir då vist.
  2. Vel + og fyll ut dei nødvendige felta (gjenta etter behov).
  3. Vel Bruk alle.

Viktig: Av tryggleiksårsaker må ikkje autotekstar innehalde sensitiv informasjon som brukarnamn eller passord.

Definere den munnlege forma

Dersom det er stor forskjell på måten autotekstnamnet blir skrive og måten det blir uttalt på, må du sørgje for at dette kjem klart fram i Munnleg form (måten du uttaler det på).

Når du skriv inn ei munnleg form, må du følgje desse reglane:

  • Bruk berre bokstavar. Ikkje bruk dette:

    Siffer (bruk for eksempel "tolv" i staden for "12"), med mindre dei er ein del av vanlege ord (for eksempel bruker du "3D" i staden for "tre D").

    Teiknsetjing (for eksempel ., ", ! eller ?).

    Symbol (for eksempel +, & eller $) unnateke bindestrekar brukt i samansette ord (for eksempel "D-vitamin").

  • Følg standardreglar for store/små bokstavar (bruk for eksempel stor forbokstav i eigennamn).

  • Unngå å skrive heile ord med store bokstavar (unnateke akronym eller dersom standardreglane for bruk av store/små bokstavar krev det, sjå over).

  • For akronym som blir sagde slik dei blir stava, bruker du store bokstavar (for eksempel "CIA"). Dersom dei ikkje blir kjende att, skil du dei store bokstavane frå kvarandre med mellomrom (for eksempel "C I A").

  • For akronym som blir uttalte som ord, bruker du små bokstavar (bruk for eksempel "pet CT" for "PETCT" eller "laser" for "LASER").

  • Ikkje bruk svært korte namn som er akustisk vanskelege å fange opp (for eksempel namn med berre éi staving).

  • Bruk heile ord i staden for forkortingar (bruk for eksempel "utan" i staden for "u/...").

  • Sjå etter skrivefeil.

Leggje til felt

Felt er hol i autoteksten der du kan skrive inn bestemd tekst, for eksempel pasientdata. Du kan leggje til eit felt i ein autotekst ved å skrive inn [ ] på den aktuelle staden i autotekstinnhaldet. Du kan leggje inn ein kva som helst tekst mellom feltskiljeteikna som standardinnhald, for eksempel røntgensvar [normalt], vitale teikn [innanfor normale grenser]. Når du set inn autoteksten, kan du avgjere om du vil erstatte standardverdiane med bestemd tekst eller bruke standardverdiane.

Tips

  • tyder at autoteksten ikkje er fylt inn på rett måte. Knappen Bruk alle er ikkje aktiv dersom nokon av autotekstane inneheld ugyldige data.
  • Vel for å stille tilbake endringar som ikkje er lagra.
  • Vel for å kopiere ein eksisterande autotekst og bruke han som mal for ein ny. Malen har same beskriving og innhald som den du kopierte. Felta Namn og Munnleg form er tomme.
  • Vel x for å slette ein autotekst. Du kan angre denne handlinga fram til du har valt Bruk alle.
  • Dersom du vil angre endringar, kopiere eller slette ein autotekst, vel du og held han inne (eller høgreklikkar på han) og vel Still tilbake endringar, Kopier eller Slett.
  • Felt blir som standard indikerte med klammer. Du kan endre teikna som blir brukte som feltskiljeteikn, i ruta Generelt i dialogboksen Alternativ. Eventuelle tidlegare definerte felt med andre skiljeteikn kjem då ikkje lenger til å fungere. Ikkje bruk {, } eller | som feltskiljeteikn.