Administrere ordlista

Dersom du vil leggje til ord i systemet eller slette ord du ikkje vil skal visast i attkjenningsresultata, klikkar du på og opnar sida Administrer ordliste eller seier administrer ordliste.

Sida Administrer ordliste viser ei liste over ord du har lagt til i ordlista. Endringar du gjer her, gjeld berre for deg. Andre brukarar av systemet blir ikkje påverka. Ordlista som blei levert med programvara for taleattkjenning, står ikkje oppført.

Den systemansvarlege kan handsame ordlista for grupper med brukarar. Du kan ta med ord i lista di som den systemansvarlege har lagt til sentralt. Klikk på og vel det tilhøyrande filteret.

Leggje til ord

Du legg til nye ord ved å klikke på +. Du kan òg leggje til ord direkte frå teksten du arbeider med. Merk ordet og sei legg det til i ordlista.

Skriv inn ordet du vil leggje til, på sida Legg til ord.

Merk: Du kan òg leggje inn korte setningar, forkortingar og akronym. Dei blir lagde til i ordlista når du skriv dei inn her.

Uttale

Dersom ordet blir uttalt slik det blir skrive, klikkar du på Bruk standarduttale. Systemet kjenner att ordet basert på korleis det blir stava. Alternativt kan du klikke på mikrofonikonet for å ta opp korleis du uttaler ordet.

Dersom autotekstnamnet blir uttalt på ein måte som er svært ulik måten det blir skrive på (for eksempel eit ord frå eit anna språk eller ei forkorting), klikkar du på Skriv inn ordet slik du ville uttalt det og skriv inn korleis du uttaler ordet. Systemet kjenner att ordet basert på uttalen du oppgir.

Eksempel på ord som blir skrivne svært ulikt måten dei blir uttalte på, for eksempel dersom du snakkar dialekta sognemål:

Ord	Uttale
kvifor	kefør
grå	graoe
MB	megabait
inntekter/utgifter	inntekte skråstrek utgifte
FN	eff enn

For forkortingar der du uttaler dei enkelte bokstavane, skriv du inn store bokstavar åtskilde med mellomrom (ikkje bruk punktum eller små bokstavar). Eksempel:

Ord	Uttale
USA	U S A
PhD	P H D
jpeg	J peg
XY-kromosom	X Y kromosom

Når du skriv inn ei uttale, må du følgje desse reglane:

(missing or bad snippet)

Endre ord

Dersom du vil endre eit eksisterande ord, merkjer du det i lista og klikkar på . Deretter kan du endre stavinga eller uttalen.

Ord som systemet allereie har kjent att frå det du har sagt, kan ikkje endrast. Det same gjeld ord der du har lagt inn fleire uttaler.

Lære inn ord

Dersom du vil registrere korleis du uttaler eit eksisterande ord, ei kort setning, forkorting eller eit akronym, merkjer du det aktuelle i lista og klikkar på .

Ord du har lært inn på denne måten, er indikerte med ikonet på sida Administrer ordliste.

Deaktivere ord

Eit ord som er deaktivert i ordlista, blir ikkje lenger kjent att. Det blir fjerna frå ordlista og språkmodellen. Dette inneber at informasjon om ordet, i samanheng med ei setning, går tapt.

Viktig: Du bør vere svært forsiktig med å bruke denne funksjonaliteten, ettersom det å deaktivere eit ord kan få store konsekvensar for attkjenningsresultata. Ikkje deaktiver ord som står i Dragon Medical-ordlista som blei levert saman med produktet. Dersom du legg til eit ord på nytt som allereie fanst i ordlista og blei deaktivert, vil det ikkje omfatte informasjon om språkmodellen, som er svært viktig med tanke på rett taleattkjenning.

Dersom du vil deaktivere eit eksisterande ord, merkjer du det i lista, klikkar på og stadfestar handlinga (du kan merkje meir enn eitt ord).

Dersom du vil deaktivere eit ord som ikkje står oppført på sida Administrer ordliste, klikkar du på , deretter på Deaktiver og til slutt Stadfest. Skriv inn ordet du vil deaktivere, og klikk på Deaktiver.

Du kan òg deaktivere ord direkte frå teksten du arbeider med. Merk ordet og sei ikkje kjenn att det ordet.